Վերջերս Մոսկվայում կայացավ շինարարական և հարդարման նյութերի խոշորագույն Mosbuild 2016 ցուցահանդեսը: Հեղինակավոր այս ցուցահանդեսը, 3 օրերի ընթացքում (ապրիլի 3-5-ը), ունեցավ ավելի քան 63000 այցելու, այդ թվում՝ մեծածախ և մանրածախ առևտրի ներկայացուցիչներ, շենքերի և շինությունների շինարարությամբ ու հարդարմամբ զբաղվող ընկերությունների ներկայացուցիչներ, ինտերիերի դիզայներներ և շինարարական ոլորտի այլ մասնագետներ:
Մեծ էր նաև մասնակիցների աշխարհագրությունը, բացի Մոսկվայի ու Մերձմոսկվայի ներկայացուցիչներից ու բնակիչներից, մոտ 25000 այցելուներ էին եկել ՌԴ 81 մարզերից, ինչպես նաև Բելառուսից, Ղազախստանից և այլ երկրներից:
Ցուցահանդեսում Հայաստանից դիտորդի կարգավիճակով մասնակցում էր նաև «Արտ Լեն Պլաստ» ընկերության տնօրենը: Ա. Աբրահամյանի հավաստմամբ, նման խոշոր ցուցահանդեսներին մասնակցությունն ունի մեկ նպատակ՝ առաջին ձեռքից ու մեկ վայրում տեղեկանալ միջազգային շուկայի նորություններից ու տենդենցներից և տարեցտարի հայկական շուկայում կիրառել հայտնի ապրանքանիշերի որակյալ տեսականին, ինչպես նաև՝ Հայաստան բերել ու կիրառել նոր տեխնոլոգիաներ, քանի որ ժամանակի հետ շուկայի պահանջարկը փոխվում է:
Հիշեցնենք, որ MosBuild ցուցահանդեսը գործում է արդեն երկու տասնամյակից ավելի և հասցրել է դառնալ ամենահեղինակավորներից մեկը տարածաշրջանում: Ցուցահանդեսին մասնակցությունը ՝
· շինարարական և հարդարման նյութերի վաճառքի ծավալները մեծացնելու,
· աշխարհագրական արտադրության ծավալը ընդլայնելու,
· նոր հաճախորդներ ներգրավելու արդյունավետ միջոց է:
