Նյութերը, որոնցով պատրաստում են պատուհանները, գլխավորապես երեքն են։ Այս հոդվածում կանդրադառնանք այն հարցին, թե ինչ նրբություններ պետք է հաշվի առնել՝ պատուհանները (նրանց կոնստրուկցիան) ընտրելիս, ինչպես նաև՝ փայտից, ալյումինից և մետաղապլաստից պատուհանների առավելություններն ու թերությունները:
Փայտե պատուհանների առավելություններն ու թերությունները
Սոճու, կաղնու և կվենու փայտանյութը ամենատարածվածն են փայտե պատուհանների պատրաստման ժամանակ: Դրանցից յուրաքանչյուրն ունի իր առանձնահատկությունները: Փայտե պատուհանների հիմնական առավելություններն են.
-
- Էկոլոգիապես ապահով
- Գերազանց ձայնային և ջերմամեկուսիչ հատկություններ, օդի թափանցելիություն
- Ցածր ջերմային հաղորդունակություն
- Ջերմության կորստի նվազագույն գործակից
- Երկարաժամկետ օգտագործելի (նշենք, որ պլաստիկե պատուհանների շահագործման ժամկետը մոտ 30 տարի է)
- Նորաձեւ ու հարմարավետ տեսք:
Չնայած վերոհիշյալ բազմաթիվ առավելություններին, փայտե պատուհաններն ունեն նաև իրենց բնորոշ թերությունները.
-
- ծանր շրջանակ,
- արտադրության համար ծախսվող երկար ու թանկ ժամանակ:
Մետաղապլաստե պատուհանների առավելություններն ու թերությունները
Մետաղապլաստե պատուհանները ներկայումս ամենատարածված պատուհաններից են: Ինչու՞ են պլաստիկե պատուհաններն այդքան գրավիչ և հարմարավետ: Պատճառն անկասկած հետևյալ առավելություններն են․
-
- Թեթևությունը, ամրությունը, կեղտին դիմադրելու կարողությունը
- Մաշակայունությունը․ չեն «խեղճանում» նույնիսկ ամենաանբարենպաստ կլիմայական պայմաններում
- Չեն փչանում ուժեղ տեղումների, անձրևի ժամանակ
- Խոնավադիմացկունությունը
- Մատչելի գինը
- Ունեն էսթետիկ տեսք
- Հերմետիկությունը
- Շահագործման դյուրինությունը
- Չեն պահանջում առանձնահատուկ խնամք
- Բոլորովին անվնաս են մարդու համար:
Մետաղապլաստե պատուհանների թերություններից կարելի է նշել երկու կետ.
-
- Շահագործման ժամկետն ավելի կարճ է՝ ի տարբերություն փայտից և ալյումինից պատուհանների
- Դիզայներական լուծումների փոքր ընտրության հնարավորությունը ևս կարելի է նշել թերությունների շարքում:
Ալյումինե պատուհանների առավելություններն ու թերությունները
Ալյումինե շրջանակով պատուհաններն ունեն ժամանակակից և մինիմալիստական տեսք: Այս տիպի պատուհանների հիմնական առավելություններն են.
-
- Երկարակեցությունը
- Կոռոզիայի հանդեպ դիմադրողականությունը և ծանրության նկատմամբ դիմացկունությունը
- Ալյումինը վերամշակելի է
- Միայն ալյումինե պրոֆիլներն են հնարավորություն տալիս ապակեպատել ամբողջական ֆասադներ՝ առանց վախենալու, որ կոնստրուկցիան կարող է փլուզվել ճարտարապետական կառույցի ծանրության տակ։
Ինչպե՞ս ճիշտ ընտրություն կատարել:
Տեսակների բազմազանության մեջ չափազանց դժվար է հստակ ընտրություն կատարելը: Յուրաքանչյուր ոք պետք է ծանրութեթև անի օգտագործվող ապրանքի դրական և բացասական կողմերը՝ կենտրոնանալով իր բյուջեի, ինչպես նաև՝ ապրանքի որակի, արտաքին տեսքի և այլ արժանիքների վրա: Մաղթում ենք Ձեզ հիանալի ընտրություն և հաճելի գնումներ:
